English version
Bóka tíma

ERTU AÐ FERÐAST?

Vottað af Heilbrigðisráðuneytinu
Samhæft EU Stafrænum Vottorðum
Tekið gilt af CDC fyrir ferðalög til USA

Veldu tíma sem hentar þér og bókaðu Covid-19 hraðpróf. COVIDTEST.is er einkarekið fyrirtæki sem leggur áherslu á hraða og góða þjónustu. Þú færð afhent stafrænt Covid ferðavottorð um leið og niðurstöður þínar liggja fyrir. 

Þú getur að sjálfsögðu komið í próf til okkar ef þú ert ekki að ferðast, t.d. fyrir viðburð hjá einkennalausum hópi sem hittist sjaldan. Ef þú ert með einkenni þá bendum við þér hinsvegar á að fara beint til Heilsugæslunnar í PCR próf.

Opnunartími prófstöðvarinnar er milli 08:15 - 17:00 alla virka daga og milli 09:00 - 16:00 á laugardögum (eingöngu í Reykjavík). Þú getur valið staðsetningu, dagsetningu, tíma og greitt fyrir hraðprófið þitt allt á sama tíma í bókunarkerfinu okkar. Hægt er að bóka og greiða fyrir marga í einu.

Það tekur einungis 15 sekúndur að taka sýni og þú getur haldið áfram þinnar leiðar í framhaldi. Viðskiptavinir fá almennt niðurstöðu senda á rafrænu formi innan klukkustundar frá sýnatöku.

Staðsetning:
Reykjavík - Kleppsmýrarvegur 8. Vel staðsett við Sæbrautina. Nóg af bílastæðum og gott aðgengi fyrir rútur.

Akureyri - Borgir við Norðurslóð Drive-through testing, við komum og tökum sýnið í bílnum.

Þú velur einfaldlega þá staðsetningu sem hentar þér best. Að bókun lokinni færð þú sendan staðfestingarpóst sem inniheldur stafræna miðann þinn, kort af staðsetningunni sem þú bókaðir ásamt nánari upplýsingum um bókunina sem mikilvægt er að lesa. 

Boðið er upp á prófanir fyrir 20 manna eða stærri hópa á staðnum, hægt er að hafa samband við okkur í gegnum info@covidtest.is ef þú hefur áhuga á að bóka fyrir hóp.

Verðið er frá 6.900kr og greitt er í gegnum örugga greiðslugátt í bókunarkerfinu okkar. Vinsamlegast athugið að ekki er tekið við American Express kortum eins og er.


Hvernig líta vottorðin út?

COVIDTEST.is er rekið undir Arctic Therapeutics sem hefur hlotið leyfi frá Heilbrigðisráðunetinu til þess að framkvæma Covid hraðpróf og gefa út vottorð.

Sample Certificate

Algengar spurningar og svör

Get ég fengið að taka sýnaglas með mér út á land og tekið prófið á ætting/vin?

Það er því miður ekki hægt að taka sýnin með sér, sýnin eru greind í tækjabúnaði sem þarf klínískt rannsónarleyfi fyrir og þarf því að greina þau hjá okkur.

Eru prófin ykkar PCR próf?

Hraðprófin okkar eru Covid antigen hraðpróf, sem er ekki það sama og PCR próf. En Antigen prófin okkar eru áreiðanleg og nákvæm.

Ég er ekki með vegabréfið mitt, get ég samt bókað tíma?

Já, ef það er ekki þörf á ferðavottorði er hægt að setja inn annað skilríki s.s. ökuskírteini.

Ég er með smá kvef og vil vera örugg/öruggur um að ég sé ekki smitaður af Covid. Get ég komið til ykkar í próf?

Það er því miður ekki hægt að koma í einkennsýnatöku til okkar, ef um einkenni er að ræða þarf að fara í PCR próf hjá Heilsugæslunni á Suðulandsbraut 34.

Ég er með bókaðan tíma í dag, en kemst ekki á þeim tíma er í lagi að ég mæti fyrr eða seinna?

Almennt biðjum við fólk um að mæta á sínum bókaða tíma, en það er ekkert mál að mæta til okkar í Reykjavík á öðrum tíma en var bókað var ef aðstæður breytast. Það er opið hjá okkur á milli 9:00-17:00. Einstaka sinnum er röð hjá okkur ef stórir hópar koma en þeir eru yfirleitt fljótir í gegn.

Ég er ekki enn búin að fá útúr prófinu mínu?

Það tekur almennt innan klukkustundar frá sýnatöku að fá niðurstöðu úr prófinu okkar. Suma daga er meira álag með stærri hópum, sem getur seinkað að greina prófin um nokkra klukkutíma. Við reynum alltaf okkar besta að skila niðurstöðum eins fljótt og hægt er. Passið að kíkja einnig á junk og spam hólfin ykkar. Ef þú hefur ekki fengið útúr prófinu innan 3-4ra klukkustunda, hafðu þá samband við info@covidtest.is.